Mendime!

Para një jave, miku im, prozatori dhe poeti shumë i njohur dhe tejet i vlerësuar në të gjitha trevat shqipfolëse dhe me gjërë, më kërkoj,që të  lexojë romanin e tij në dorëshkrim " Siluetë". E pranova me kënaqësi, bile shumë i nderuar nga dëshira e tij.

Duke ditur gjuhën që përdor shkrimtari, që është një gegërishte e pastër, mendova pa i thënë fare, ta redaktoja në gjuhën letrare, me mendimin se do ishte më mirë për lexuesin. Sapo lexova emrin "Likjen", ky mendim mu përforcua më tepër. Mendova ta lexoj pjesë pjesë dhe po ashtu t’i bëja edhe përpunimin.

Vetëm fillimin mbaj mend kur e nisa, më tej faqet iknin pa e kuptuar fare dhe ja tek vjen fundi. Sa shpejtë! E harrova misionin që kisha caktuar vetes. Gjuha e përdorur në këtë vepër, mban emrin Tyran Prizren Spahiu. Është dialekti gegë që e ka gjuhën e nënës. Nje fjalë t’i ndryshoje, ja humbje bukurinë.

Kjo që shpreha, me futi në mendime, për punën e pamjaftushme që bëjmë ne Shqiptarët, për ruajtjen pastër, jo

vetëm të gjuhes letrare Shqipe, por edhe te dy dialekteve: gegërishtës dhe toskërishtës. Pavarësisht se është krijim në prozë, apo se tema që shtjellon, është larg të qenurit prozë poetike, fjalitë e shkurtëra dhe konçize, më krijonin idenë e strofave të poezive të tij aq shumë të bukura.

Ju ftoj ta lexoni, jo vetëm për artin e bukur që e përshkruan veprën, por edhe për temën aq shqetësuse. Femijë të marrë nga shtetet e huaja, të moshës deri në tetë vjeç, të rritur, edukuar vetëm për t’i përdorur për interesat e tyre. Dhe në fund, mbasi i shtrydhin si limoni, mbas  një plumbi në kokë i hedhin në koshin e plehërave. Por sa femijë, nuk dihet sot se ku janë? Vetëm  shkruhet: i humbur!

 Urimet më të mira miku im, për këtë vepër që ke krijuar! Suksese në krijimtarinë tënde me vlera te mëdha, sidomos aq të domosdoshme, në rrethanat që kalon kombi, bota sot.

Hajri Kasemi-Poet-Tiranë

***

Dikur do mblidhemi dhe për Ty, në një kryeqytet të vetëm, të përbashkët, në Prizren. Po bëhesh ose më saktë,  je një legjendë e Shkronjave Shqipe. Ndjek me admirim krijimet e Tua, gjithashtu çmimet. Janë shpërblimet që unë i kam në shpirt. Sa herë që hy në këtë dritare lexoj mrekullitë. Ky nuk është një roman i thjeshtë, “SILUETË”, por është portë që më fut në galerinë e perlave, parajsën që shtrojnë germat. Suksese miku im poet, shkrimtar fort i mirë. Të siguroj me nderin Tim se fjalët e mia nuk mjaftojnë, por janë të sinqerta. Respekt pendës tënde të përjetësisë...

Poet-Ilmi CANI

Tiranë

Redaktor:
Ajhan CELINA

Lektor:
Hajri Kasemi-Tiranë

Kopertina-dizajni
Jeton Spahiu

Realizimi artistik:
Adil Beqaj, prof

Kosovë, 2020